Ózbekstan Respublikası Joqarı bilimlendiriw, ilim hám innovaciyalar ministrliginiń 2023- jıl 6-mart kúngi 44-sanlı buyrıǵında belgilengen wazıypalardı orınlaw maqsetinde Qaraqalpaq mámleketlik universitetinen oqıtıwshılar menen birge islesiw jumısların alıp barıw maqsetinde universitetimiz tárepinen biriktirilgen kafedralar (fakultetler aralıq shet tiller kafedrası, qala qurılısı hám xojalıǵı kafedrası, Ózbekstan hám Qaraqalpaqstan tariyxı kafedrası) professional oqıw ornı haqqında maǵlıwmatlarǵa iye bolıw, pedagogikalıq jámááti menen tanısıw, oqıw normativ hújjetleri hám materiallıq texnikalıq bazasın úyreniw barısında Amiwdarya rayonı 2-sanlı  kásip-óner mektebinde boldı.

Biriktirilgen kafedralardıń professor-oqıtıwshıları S.Eskaraeva, P.Nurıllaev hám D.Qosımbetovalar 2-sanlı  kásip – óner mektebi jámááti pedagog xızmetkerler arasında alıp barılǵan sáwbetlesiw barısında pedagoglardı qayta tayarlaw hám olardıń qánigeligin  asırıwda universitet tárepinen birge islesiw hám metodikalıq járdem beriw boyınsha alıp barılatuǵın jumıslar haqqında óz-ara  pikir hám usınısların bildirdi.

Fakultetler aralıq shet tiller kafedrası úlken oqıtıwshısı S. Eskaraeva