Búgin, 26-oktyabr kúni Berdaq atındaǵı Qaraqalpaq mámleketlik universitetiniń Ruwxıylıq hám aǵartıwshılıq zalında Tariyx fakultetiniń studentleri menen birgelikte «Teatr dóretiwshiligi jaslar átirapında» atamasında ushırasıw keshesi bolıp ótti. Ushırasıw keshesinde xalqımızǵa keńnen tanılǵan teatr hám kino aktyorları, Ózbekstanda xızmet kórsetken artist, Qaraqalpaqstan xalıq artisti Ó.Qosımbetov, Qaraqalpaqstanda xızmet kórsetken artistler B.Nazarımbetov hám Q.Kalandarovlar miymanda boldı.

Ushırasıwdı Tariyx fakulteti dekanınıń Jaslar máseleleri boyınsha orınbasarı Q.Najimov alıp bardı. Keshe miymanları ózleriniń ómiri hám dóretiwshiliginde bolıp ótken qızıqlı waqıyalar, teatr mádeniyatınıń insandı tárbiyalawdaǵı roli haqqında jıynalǵanlarǵa aytıp berdi. Ushırasıwda sózge shıqqan Tariyx fakulteti docenti J.Aytmuratov, Tariyx fakulteti dekanınıń oqıw isleri boyınsha orınbasarı M.Sultaniyazovlar bul ushırasıwdıń student jaslardıń turmısında tutqan ornı haqqında aytıp ótti. Studentler ózlerin qızıqtırǵan sorawlarǵa juwaplar aldı. Ilajǵa Tariyx fakultetiniń tyutorları qatnastı.

B.Esemuratova
Qaraqalpaq mámleketlik universiteti
Tariyx fakultetiniń tyutorı