Berdaq atındaǵı Qaraqalpaq mámleketlik universiteti Shımbay fakultetinde student-jaslar menen ushırasıw bolıp ótti. Onda Shet tiller fakulteti dekanı Dj.Kurbanbaev, Inglis tili hám ádebıyatı kafedrasi baslıǵı Z.Uteshova, kafedra oqıtıwshıları hám fakultet student-jasları qatnastı.
Ushırasıwdıń baslı maqseti-búgingi kúnde mámleketimiz tárepinen jaslarǵa berilip atırılǵan imkaniyatlar menen jaslardı hár tárepleme qollap-quwatlaw, olardıń óz kásibiniń maman qánigesi bolıp jetilisiwi ushın barlıq shárt-shárayatlar jaratılıp atırılǵanlıǵı menen keńnen tanıstırıw, bul imkaniyatlardan únemli paydalanıp, sabaqtan bos waqıtları kitap oqıw, til úyreniw hám til biliw dárejesin anıqlawshı Milliy hám Xalıqaralıq Sertifikatlar alıw kerekligin eskertiw bolıp tabıladı.
Sonday-aq, Shimbay fakulteti Inglis tili hám ádebıyatı baģdarında tálim alıp kiyatırģan 1-2 kurs student jasları menen sáwbet ótkerilip, olardıń oqıw processindegi kemshilikler hám mashqalaları menen tanısıp, zárúr jol-jobalar kórsetilip, ilim hám bilimlendiriwdiń student-jaslardıń turmısında tutqan ornı, mámleketimizde ilim-bilimlendiriwdiń rawajlanıwı ushın ámelge asırılıp atırǵan keń kólemli reformalar haqqında aytıldı. Ushırasıwda studentler ózleriniń qızıqtırǵan sorawlarına juwaplar aldı hám ámeliy sabaqlar boyınsha óz pikr-usınısların bildirdi.
