“Qaraqalpaqstandaǵı densawlıqtı saqlaw mákemeleri hám mekteplerde ıqlımǵa shıdamlı baslanǵısh medicinalıq-sanitariya járdemi sisteması, adamlarǵa baǵdarlanǵan suw, sanitariya hám de gigiena ámeliyatı ushın tiykar jaratıw” UNFPA joybarı tiykarında jaslardıń reproduktiv salamatlıǵı, jaslarǵa qolay xızmet kórsetiw standartların en jaydırıw temasındaǵı seminar-treningte qatnasqan shet tiller fakulteti Inglis til bilimi kafedrası oqıtıwshıları Sarbinaz Berdimuratova hám Dilfuza Badirovalar filogiya hám tillerdi oqıtıw tálim baǵdarı studentlerine “Erte turmıs qurıw hám onıń aqıbetleri. Shańaraq qurıwǵa tayarlanıw”, “Salamatlıq hám salamat turmıs tárizi” temalarında sabaqlar shólkemlestirdi.

Sabaqlar interaktiv usılda alıp barılıp, bunda studentlerge joqarıdaǵı temalar boyınsha keń túsinikler berildi hám studentlerdiń pikir almasıldı. Salamat turmıs tárizi buzılǵanda organizmde bolatúǵın ózgerislerdiń júzege keliwin túsindiriw maqsetinde studentler kóz aldında tájiriybe ótkerilip, studentler aldaǵı waqıtları energetik, gazli ishimlikler ishpew, tez tayar bolatuǵın taǵamlardıń adam den sawlıǵına zıyan ekenliklerin ótkerilgen tájiriybe arqalı túsinip jetti. Bunnan bılay studentler sabaqlardan alǵan bilimlerin dosları, jaqınları menen bólisip, salamat ortalıqtı jaratıwǵa háreket etedi degen oydamız.

Sarbinaz Berdimuratova Inglis til bilimi kafedrası assistenti