Berdaq atındaǵı Qaraqalpaq mámleketlik universiteti Matematika fakulteti Kompyuter ilimleri hám programmalastırıw texnologiyaları baǵdarı 4-kurs studentleri universitettiń professor-oqıtıwshıları tárepinen berilgen teoriyalıq bilimlerin bekkemlew hám pedagogikalıq tájiriybesin asırıw maqsetinde usı jıldıń 6-sentyabr sánesinen baslap pedagogikalıq ámeliyatqa jiberilgen edi. Házirgi kúnde studentler qala hám rayonlıq ulıwma bilim beriw mekteplerinde tájiriybe arttırıp, kónlikpelerin asırıp kelmekte.
Pedagogikalıq ámeliyat tiykarında studentler, pánge bolǵan súyispenshiligin kúsheytedi. Bunnan qala berse, mektep oqıwshılarına sabaq ótiw barısında interaktiv metodlardan paydalanıw, sabaq materialların júritiw, kalendar tematikalıq jobalar menen islewdi úyrenedi hám qosımshasına is-hújjetlerin júritiw boyınsha tájiriybelerin arttırarı sózsiz. Házirde, ámeliyat barısında studentler ózlerine mektep tárepinen bekitilgen pedagogikalıq ámeliyat basshısılar járdemi menen sabaqlarda oqıwshılar menen birge islesip, ashıq sabaqlarda ótkerip kelmekte.
Matematika fakulteti assisent-oqıtıwshısı Arzieva Rano
