Dene mádeniyatı fakulteti jámááti tárepinen Shımbay fakulteti student-jasları menen ushırasıw bolıp ótti. Ushırasıwǵa Dene mádeniyatı fakulteti dekanı N.Qaypov, dene mádeniyatı teoriyası hám metodikası kafedrası w.w.a. A.Sultansuyunov, dene mádeniyatı teoriyası hám metodikası kafedrası docenti A.Kazakov, doktorant R.Djoldasov, Shımbay fakulteti dekan orınbasarı A.Matekov hám dene mádeniyatı tálim baǵdarı student-jasları qatnastı.

Ilajda bayanatshılar studentlerge tártip-intizam, bilim alıw, internet tarmaqlarınan aqılǵa muwapıq paydalanıwı kerekligi hám basqa da tálim-tárbiya máseleleri, sonday-aq, búgingi kúnde universitetimizde student-jaslarǵa jaratılǵan imkaniyatlar, olardı kásipke baǵdarlaw, bilimlendiriwdiń sapasın arttırıw boyınsha ámelge asırılıp atırǵan reformalar, sabaqlarǵa qatnasıw, bos waqıtların mazmunlı ótkeriw boyınsha islenip atırǵan jumıslar, ótkerilip atırǵan hár túrli sport jarıslar haqqında aytıp ótti.

Sonday-aq, Dene mádeniyatı fakulteti tárepinen Shımbay fakulteti student-jasları sport penen shuǵıllanıwları hám sabaq sheberliklerin jáne de jetilistiriw ushın olarǵa sport úskeneleri tapsırıldı. Ushırasıw dawamında studentler, óz pikir hám usınısların bildirip, ózleriniń qızıqtırǵan sorawlarına juwaplar aldı.

R.Óteniyazov

Dene mádeniyatı fakultetiniń

jaslar menen islesiw boyınsha dekan orınbasarı