Búgin 10-noyabr kúni Berdaq atındaǵı Qaraqalpaq mámleketlik universitetinde– «Biz bir bolsaq – bir pútin xalıqpız, birlessek Watanbız!» súreni astında mánawiyat marafonı ótkerilip, marafon sheńberinde koncert baǵdarlaması bolıp ótti.
Onda universitettiń jaslar máseleleri hám ruwxıy-aǵartıwshılıq isleri boyınsha prorektor S.Alawatdinov, Nókis qalalıq deputatı A.Saipova, Nókis qalalıq «Nuraniy» qorınıń baslıǵı Karamatdin Qalenderov, Ruwxıylıq hám aǵartıwshılıq orayı Nókis qalalıq bólimi baslıǵı Q.Nuratdinov hám student-jaslar qatnastı. Ilajda sózge shıqqanlar, hár bir insannıń shaxs sıpatında kámilligine erisiwinde mánawiyattıń ornı ózgeshe ekenligin, sonday-aq, «Mánawiyat marafonı»n shólkemlestiriwdiń áhmiyeti haqqında aytıp, barlıq qatnasıwshılardı qutlıqladı.
Bunnan soń, marafon sheńberinde koncert baǵdarlaması ótkerilip, onda milletler aralıq doslıq múnásibetleri, hár túrli xalıqlardıń ayaq oyınları hám qosıqları atqarıladı. Sonday-aq, qaraqalpaq xalqınıń milliy qádriyatları, salt-dástúrleri hám «Bet ashar» saxnalıq kórinisleri qatnasıwshılar názerine usınıldı.
Zulfiya Seytbekova
Dene mádeniyatı fakulteti Hayal-qızlar sportı 2-kurs studenti
