Búgin 13-noyabr kúni Qaraqalpaq mámleketlik universitetinde Ózbekstan Respublikasında jaslarǵa tiyisli mámleket siyasatı sheńberinde respublikalıq “Ziyo forum” ilim-pán hám tálim-tárbiyanı rawajlandırıw xalıqaralıq fondı tárepinen student jaslardıń innovaciyalıq dóretiwshilik qábiletin júzege shıǵarıw, intellektuallıq dárejesin rawajlandırıw, olardı qollap-quwatlaw, izleniwshilik sheberliklerin asırıw maqsetinde student jaslar ushın seminar-trening ótkerildi.

Treningge “Ziyo forum” ilim-pán hám tálim-tárbiyanı rawajlandırıw xalıqaralıq fondı direktor orınbasarı Xaitmuxammedov Olimjon, “Avlod media” bólimi  baslıǵı Gafurov Akobir, universitet Ilimiy isler hám innovaciyalar boyınsha prorektorı  Izimbet Turdimambetov hámde Qaraqalpaqstan Respublikasındaǵı barlıq joqarı joqarı oqıw orınlarınıń ziyrek student-jasları qatnastı.

Seminar-trening “Ziyo forum” ilim-pán hám tálim-tárbiyanı rawajlandırıw xalıqaralıq fondı direktor orınbasarı O.Xaitmuxammedov tárepinen alıp barıldı. Seminar-trening dawamında “Ziyo forum” ilim-pán hám tálim-tárbiyanı rawajlandırıw xalıqaralıq fondın shólkemlestiriwden maqset, fond tárepinen ámelge asırılıp atırǵan jumıslar mazmun-mánisi, fond tárepinen orınlanıwı belgilengen joybarlar hámde bul joybarlarda qatnasıwshı aymaqlardaǵı ilimiy hám sociallıq joybarlarǵa qızıǵıwshı ziyrek student jaslar auditoriyasın jáne de keńeytiw boyınsha keń kólemde maǵlıwmatlar berildi.

Seminar-trening kóterińki ruwxta, qızǵın pikir almasıwlarǵa bay tárizde ótkerildi hámde barlıq qatnasıwshılar óz joybarların islep shıǵıw, onı ámelge asırıw basqıshları boyınsha ózlerin qızıqtırǵan sorawlarına tiyisli juwapların aldı.