Ózbekstan Respublikası Joqarı bilimlendiriw, ilim hám innovaciyalar ministrliginiń 2023-jıl 12-oktyabr kúngi 01-34-146-sanlı reje grafiginde belgilengen wazıypalardıń orınlanıwın támiyinlew hám Qaraqalpaq mámleketlik universiteti menen Ózbekstan Respublikası Gereńler jámiyetiniń Qaraqalpaqstan Respublikası aymaqlıq bólimi arasındaǵı birge islesiw is-rejesine tiykar 18-noyabr Ózbekstan Respublikası mámleketlik bayraǵı qabıl etilgenliginiń 32 jıllıq múnásibeti menen imkaniyatı sheklengen shaxslardıń qol óneri, dóretiwshilik jumıslarınıń kórgizbesi shólkemlestirildi.
Kórgizbede jámiyettiń aǵzaları R.Qarajanova, N.Tólegenova, R.Auezova, M.Saypnazarovlar súwretlew óneri hám ámeliy kórkem óner dóretpeleri menen qatnastı. Kórgizbede Ózbekstan Respublikası Gereńler jámiyetiniń Qaraqalpaqstan Respublikası aymaqlıq bólimi baslıǵı M.Beknazarova sózge shıǵıp, mámleketimizdegi imkaniyatı sheklengen insanlarǵa qaratılıp atırǵan itibar, imkániyatlar, jeńillikler hám jámiyettiń aldında turǵan wazıypalarǵa toqtalıp ótti. Sonday-aq, kórgizbede belsendi qatnasqan jámiyet aǵzaları universitet rektoratı tárepinen estelik sawǵalar tapsırıldı.
