Qaraqalpaq filologiyası hám jurnalistika fakultetinde ustaz jurnalistler menen ushırasıw shólkemlestirildi. Ushırasıwǵa «Erkin Qaraqalpaqstan» gazetasında bir neshe jıllardan berli óziniń dόretiwshilik jumısın alıp barıp atırǵan jurnalistler Qaraqalpaqstanǵa miyneti sińgen jurnalist Biybijamal Karamatdinova hám Saǵındıq Janiyevlar qatnastı. Dáslep ustazlar student jaslarǵa όzinıń dóretiwshilik jumısları, gazeta redakciyaları, dόretiwshilik jámááti haqqında maǵlıwmatlar berdi. Bunnan soń, xabar, reportaj, intervyu hám maqala jazıw boyınsha tiykarǵı túsinikler berildi. Sport jurnalistikası, sportshılar menen sáwbetlesiw, fotofaktlardı tańlaw, fakt hám statistikalıq maǵlıwmatlar menen islesiw, maqalaǵa tema tańlaw sheberligi haqqında da qızıqlı maǵlıwmatlardı aytıp ótti. Ushırasıwda jurnalistika tálim baǵdarı studentleri, «Jas jurnalistler» klubınıń aǵzaları belsene qatnastı. Jas jurnalistlerdiń de dόretiwshilik jumısları boyınsha pikirlerin tıńladı. Ushırasıw dawamında jurnalist Qaraqalpaq mámleketlik universitetinde tálim alǵanlıǵın maqtanısh penen tilge aldı. Bul dárgaydaǵı pidayı ustazların eske aldı hám ayrıqsha diplom menen pitkergenligin atap kόrsetti. Jáne de «Erkin Qaraqalpaqstan» gazetasınıń shόlkemlestirilgenine bir ásir tolıp atırǵanlıǵın, gazeta bir qansha basqıshlardan όtkenligi haqqında da aytıp berdi.
– Sport jurnalistikasına qızıǵıwshılıǵım joqarı. Sport tarawındaǵı jańalıqlardı ǵalaba xabar quralları arqalı turaqlı baqlap baraman, – deydi Jurnalistika tálim baǵdarı studenti I.Sadetova. Auditoriyamızǵa kirip kelgende-aq bul sport jurnalisti Saǵındıq aǵa Janiyev dep oyladım. Jurnalisttiń maqalaların, reportajların, intervyulerin turaqlı oqıp baraman. Biraq jurnalisttiń όzi menen búgin birinshi márte ushırasıw nesiyp etti.
Ushırasıw juwmaǵında Saǵındıq Jániyev «Jas jurnalistler» klubınıń aǵzalarına, ushırasıwǵa belsene qatnasqan student jaslarǵa «Basqalardan parqım bar» qosıqlar hám maqalalar toplamın sawǵa retinde tapsırdı.
G.Kallibekova QMU oqıtıwshısı
