Shet tilleri fakultetinde studentler arasında 1-dekabr Qaraqalpaq tiline mámleketlik til biyligi berilgenligine 34 jıl tolıwı múnásibeti menen «Ayaziy dóretiwshiligi bilimdanları» atamasında tańlaw bolıp ótti. Tańlawda toparlar belgilengen 3 shárt boyınsha bellesti. Onda fakultettiń jaslar máseleleri boyınsha dekan orınbasarı T.Kulniyazov, nemis tili kafedrası oqıtıwshısı A.Jumamuratov, qaraqalpaq ádebiyatı kafedrası oqıtıwshısı A.Keńesova, awdarma teoriyası qafedrası oqıtıwshısı X.Nurıllaevlar qatnastıp, tańlaw boyınsha student-jaslardı bahalap bardı. Tyutorlar tárepinen shólkemlestirilgen bul tańlaw qaraqalpaq xalqınıń úlken bayteregi, ullı shayır Ibrayım Yusupovtıń dóretiwshiligine baǵıshlanǵan, sebebi onıń qosıqların jeti jastan jetpis jasqa deyingi áwlad yad alıp, júreginiń tórinde saqlap júredi. «Qosıqtı dawam et» basqıshında studentler bir-biri menen belleskende olardı toqtatıw biraz qıyınshılıq tuwdırdı. Al, dramalıq shıǵarmalarınan saxnalıq kórinis shártindegi shıǵıwları jıynalǵanlardı gá jılatıp, gá kúldirdi.Saxnadaǵı oynaw sheberligin kórip shet tilleri fakulteti studentleri emes,teatr aktyorlarına uqsattıq.Tańlaw juwmaǵında
ı orındı «Ayaziy izbasarları»,
ıı orındı «Sahra búlbilleri»,
ııı orındı «Ayaziy áwladları» toparları alǵan bolsa, «Eń jaqsı shólkemlestiriwshi topar sárdarı»,
«Eń jaqsı aktyorlıq sheberlik «, «Eń jaqsı kórkem oqıw» nominaciyaları hám fakultet tárepinen estelik sawǵaları menen sıylıqlandı.

Shet tilleri fakulteti tyutorı Ramiza Pirnazarova