Usı jıldıń 24-noyabr kúni Qońırat sanaat texnikumında «Korrupciyanıń aldın alıw hám oǵan qarsı gúresiw» atamasında ushırasıw bolıp ótti. Onda Berdaq atındaǵı Qaraqalpaq mámleketlik universiteti Korrupciyaǵa qarsı gúresiw Kompleans qadaǵalaw bólimi baslıǵı K.Uteniyazov, universitet Marketing hám studentler ámeliyatı bólimi baslıǵı A.Nawrızbaev, Yuridika fakulteti studenti J.Abdullaev, Qońırat rayonı IIB janındaǵı topar tergewshisi M.Erejepova, texnikum oqıtıwshıları hám oqıwshılar qatnastı. Ushırasıwdı Qońırat sanaat texnikumı direktorı w.w.a B.Bekmurzaev ashıp berdi hám alıp bardı.

Dáslep QMU kompleans qadaǵalaw bólimi baslıǵı K.Óteniyazov, sózge shıǵıp, búgingi kúnde mámleketimiz tárepinen korrupciyaǵa qarsı ǵúresiw boyınsha alıp barılıp atırǵan ilajlar, nızam hám qararlar haqqında aytıp ótti. Bunnan soń, sózge shıqqanlar korrupciyanıń unamsız aqıbetleri, nızamda belgilengen jaza normaları haqqında maǵlıwmatlar berip, bunday unamsız illetlerden awlaq júriwge shaqırdı.