Búgin Berdaq atındaǵı Qaraqalpaq mámleketlik universitetinde “Konstituciya – xalıqshıl mámleket, turaqlı rawajlanıw hám párawan turmısımız kepili!” atamasında Konstituciyanı úyreniw boyınsha ashıq esikler kúni ilajları bolıp ótti. Onda Nókis qalası hákimligi, prokuraturası,  Ádillik bóliminen wákiller hám Nókis qalasındaǵı barlıq joqarı oqıw orınlaranan student-jaslar qatnastı. Dáslep ilaj Ózbekstan hám Qaraqalpaqstan Respublikalarınıń mámleketlik gimnleri menen baslandı. Bunnan soń, Berdaq atındaǵı Qaraqalpaq mámleketlik universiteti rektorı A.Reymov sózge shıǵıp, Ózbekstan Respublikası Konstituciyasınıń qabıl etilgenliginiń 31 jıllıǵı menen bársheni qızǵın qutlıqladı. Sonday-aq, ol óz shıǵıp sóylewinde Konstituciyada Ózbekistan huqıqıy mámleket ekenliginiń ayrıqsha belgileniwi – mámleket óz iskerligin, jámiyet hám puqaralardıń jasaw tárizin tek Konstituciya hám nızamlar tiykarında da ámelge asırılıwın támiynleytuǵınlıǵın aytıp ótti. Sonıń menen birge, ilajda sózge shıqqanlar búgingi kúnde elimizde júz berip atırǵan jańalanıwlar, demokratiyalıq huqıqıy mámleket qurıw, ádil puqaralıq jámiyetin qáliplestiriw jolında erisip atırǵan jetiskenliklerimizdiń barlıǵı Konstituciyada kórsetilgen tiykarǵı principlerdiń turmısqa tolıq engiziliwi menen baylanıslı ekenligi, mámleketimiz óz rawajlanıwınıń jańa basqıshına qádem qoyıp atırǵanlıǵın, jańa Ózbekstannıń rawajlanıw strategiyasında belgilengen ádalatlı hám xalıqshıl mámleket qurıw jolında úlken áxmiyetke iye bolǵan wazıypalardı tolıq júzege shıǵarıw konstituciyalıq reformalardı ámelge asırıwdı talap eteneǵınlıǵın atap ótti. Ilaj sheńberinde joqarı oqıw orınlarınıń (dóretiwshilik jumıslardıń hám kitaplardıń) kórgizbeleri, súwretler tańlawları, «Zakovat» turnirları, seminar-treningler, sport jarısları ótkerildi hám universitet student-jaslar tárepinen tayarlanǵan koncert baǵdarlaması menen dawam etti.

QMU baspasóz xızmeti