8-dekabr – Ózbekstan Respublikası Konstituciyası qabıl etilgen kún

ÓzLiDeP Qaraqalpaqstan Respublikası Keńesi tárepinen Ózbekstan Respublikası Konstituciyası qabıl etilgenliginiń 31 jıllıǵı múnásibeti menen «Konstituciya – abadan turmısımızdıń tiykarǵı kriteriyası» atamasında ushırasıw shólkemlestirildi.

Onda partiyanıń Qaraqalpaqstan Respublikası Keńesi xızmetkerleri, Nókis qalalıq Keńesi deputatları, Berdaq atındaǵı Qaraqalpaq mámleketlik universitetiniń professor-oqıtıwshıları hám student-jaslar qatnastı.

Ilajda Xalıq deputatları Nókis qalalıq Keńesiniń deputatı A.Saypova, Berdaq atındaǵı Qaraqalpaq mámleketlik universitetiniń yuridika fakulteti oqıtıwshısı S.Zaytov hám basqalar shıǵıp sóylep, jaslarǵa jańa redakciyadaǵı Konstituciyanıń áhmiyeti, «Ózbekstan—2030» strategiyasınıń orınlanıwı sheńberinde mámleketimizde alıp barılıp atırǵan ózgerisler menen jańalanıwlar haqqında maǵlıwmatlar berildi.

Ushırasıwda jańa redakciyada qabıl etilgen Konstituciyamızdıń jańa normalarında tiykarǵı itibar insan, jámiyet hám mámlekettiń turaqlı rawajlanıwın támiyinlewge qaratılǵanlıǵı, onıń qabıl etiliwi menen jáne de bekkem Konstituciyalıq-huqıqıy tiykar jaratılǵanlıǵı atap ótildi.

Atap ótilgenindey, mámleketimizde jaslar menen islesiw sistemasın jańa dárejege alıp shıǵıw, olardıń sociallıq hám siyasiy belsendiligin arttırıw, huqıqıy sanasın kóteriw, kásip-ónerge úyretiw hám bántligin támiyinlew, innovciyalıq ideyaların ámeliyatta qollanıw hám turmısta óz ornın tabıwına járdem beriw boyınsha keń kólemli jumıslar ámelge asırılmaqta.

Qızǵın soraw-juwap, sáwbetlesiw tárizinde ótkerilgen ilaj dawamında qatnasıwshılar ózlerin qızıqtırǵan sorawlarǵa juwap aldı.