Búgin, 20-dekabr kúni Berdaq atındaǵı Qaraqalpaq mámleketlik akademiyalıq muzıkalı teatrında Medicina ilimleriniń doktorı, professor, Ózbekstan Respublikası Ilimler Akademiyası akademigi, Qaraqalpaq mámleketlik universitetiniń birinshi rektorı, belgili mámleketlik hám jámiyetlik isker Charjaw Abdirovtıń tuwılǵanına 90 jıl tolıwı múnásibeti menen “Házirgi zaman ilimi hám bilimlendiriwiniń áhmiyetli mashqalaları” atamasındaǵı Xalıqaralıq ilimiy-ámeliy konferenciya bolıp ótti. Onda ustazdıń aǵayin-tuwısqanları, jaqınları hám shákirtleri, professor-oqıtıwshılar, student-jaslar hám ǴXQ wákilleri qatnastı. Konferenciyanı universitet rektorı A.Reymov ashıp berdi hám alıp bardı. Dáslep Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev sózge shıǵıp, bárshe konferenciya qatnasıwshıların Qaraqalpaqstan Respublikası Joqarǵı Keńesi hám Qaraqalpaqstan Respublikası Ministrler Keńesi atınan qızǵın qutlıqladı.

Bunnan soń, sózge shıqqanlar ilim – hár qanday mámlekettiń búgingi hám erteńgi keleshegin belgileytuǵın áhmiyetli sala ekenligi, bul baǵdarda  Ózbekstan úlkesi ázelden adamzat civilizaciyasına teńi tayı joq úles qosqan, dúnya júzi ilim hám mádeniyatınıń baǵdarların belgili dárejede belgilep bergen ullı alımları, aǵartıwshıları menen dúnyaǵa tanılǵanı, usınday ullı insanlardıń biri, akademik Charjaw Abdirovtıń miynetlerin ayrıqsha atap ótti.  Ilaj universitet student-jasları tárepinen tayarlanǵan koncert baǵdarlaması menen dawam etti.

QMU baspasóz xızmeti