Búgin Berdaq atındaǵı Qaraqalpaq mámleketlik universitetinde Jaslar forumları» sheńberinde «Rektor hám jaslar» atamasında ushırasıw bolıp ótti. Onda barlıq prorektorlar, fakultet dekanları, bólim baslıqlar jaslar awqamı jetekshileri, studentler keńesiniń belsendi aǵzaları, jas ilimpazlar qatnastı. Ushırasıwda universitet rektorı Axmed Reymov búgingi kúnde bilimlendiriw tarawındaǵı reformalar, jaslarǵa jaratılǵan múmkinshiliklerdi Qaraqalpaq mámleketlik universiteti mısalında aytıp ótti.

Húrmetli Prezidentimizdiń ilim hám bilimlendiriw tarawına degen joqarı itibarı, tarawdıń materiallıq-texnikalıq bazasın bekkemlew, tálim hám ilim tarawı wákilleriniń izertlew jumısların elede jetilistiriw, taraw xızmetkerlerin sociallıq jaqtan qollap-quwatlawdı kúsheytiw maqsetinde alıp barılıp atırǵan reformaları, álbette, tarawdıń rawajlanıwına, ásirese student jaslarımızǵa keń múmkinshilik jaratpaqta. Sonlıqtanda bunday jaratılǵan imkaniyatlardan student-jaslarımız aqılǵa muwapıq paydalanıp, búgingi kúnde Prezident, Nawayı, Ulıǵbek, Berdaq, I.Yusupov, T.Qayıpbergenov stipendiyaları, Zulfiya atındaǵı mámleketlik sıylıǵı, «Mard oǵlon», «Kelajak bunyodkori» sıylıǵınıń iyeleri, respublikalıq, xalıqaralıq tańlawlardıń jeńimpazları, Jáhán hám Aziya chempionları jetilisip shıqpaqta – dedi rektor A.Reymov. Ashıq sáwbetlesiwde studentler tárepinen pikir-usınıslar bildirilip, bul usınıslardı basqıshpa basqısh ámelge asırıw boyınsha tiyisli juwapkerlerge tapsırmalar berildi.

QMU baspasóz xızmeti