Usı jıldıń 18-dekabr kúni Berdaq atındaǵı Qaraqalpaq mámleketlik universiteti Hayal-qızlar keńesi tárepinen universiteti Mádeniyat sarayında «MISS UNIVERSITET-2023» kórik tańlawı bolıp ótti.

Tańlawdı ótkeriwdegi tiykarǵı maqset ziyrek, intalı student qızlardı anıqlaw hám xoshametlew, olar arasında dóretiwshilik ortalıǵın jaratıw,  jámiyetlik baslamalarda belsendiligin asırıwdan ibarat. Tańlaw shártlerine bola qatnasıwshı student qızlar

 I Sálemnama shárti;

II Shártte bolsa qol ónerlerin sınaqtan ótkeriw maqsetinde keste toqıp bellesti;

III shártinde qatnasıwshılar ayaq oyın hám jeke atqarıwshılıǵı boyınsha qosıqlar ayttı;

IV Jańa jıl salatın islew shártinde yarım tayar ónimlerden salat tayarladı hám bezetiliwi, waqtı, dámi bıyınsha bahalandı.

Jarıs juwmaǵında tóreshilerimiz tárepinen “MISS UNIVERSITET» 2023 kórik tańlawınıń jeńimpazı Ximiya texnoligiya fakulteti studenti Jalǵasova Meruertke nesiyp etti. Tańlaw qaǵıydalarına muwapıq  tańlawdıń rámziy tajı hám lentasın saltanatlı túrde «MISS UNIVERSITET»-2023 kórik tańlawı iyesine berildi.

Qalǵan qatnasıwshı qızlar nominaciyalar boyınsha húrmet jarlıqları menen sıylıqlandı.

QMU Hayal-qızlar keńesi