Búgin 21-dekabr kúni Ózbekstan ekologiya partiyası Qaraqalpaqstan Respublikası partiya shólkemi keńesi menen birgelikte QMU “Menejment hám ekonomika tiykarlarí” kafedrasí tárepinen “Ózbekstanda jasíl ekonomikanı rawajlandırıw máseleleri hám keleshekleri” atamasında xalıq aralıq ilimiy-ámeliy konferenciya shólkemlestirildi. Konferenciyaǵa Ózbekstan Respublikasí Oliy Majlis nızamshılıq palatası deputatı, e.i.k., doc. L.P.Seytova, Plexanov atındaǵı Rossiya ekonomikalıq akademiyası docenti D.K.Balaxanova, Qazaqstan Milliy Agrar universiteti docenti A.Q.Ismailova, M.Uluǵbek atındaǵı Ózbekstan Milliy universiteti professorı A.Vaxabov, QMU ekonomika fakulteti dekanı, professor-oqıtıwshıları hám studentleri qatnastı. Konferenciyada Ózbekstanda jasıl ekonomikanı rawajlandırıwdıń tiykarǵı baǵdarları, jasıl ekonomikanı rawajlandıríw boyınsha Rossiya hám Qazaqstan tájiriybeleri haqqında bayanatlar islendi. Konferenciya qatnasıwshıları bayanatshılardan ózlerin qızıqtırǵan sorawlarına juwaplar aldı.