Ózbekstan Respublikası Joqarı bilimlendiriw, ilim hám innovaciyalar ministrliginiń 2023-jıl 24-noyabr kúngi 507-sanlı buyrıǵınıń orınlanıwın támiyinlew maqsetinde búgin 25-dekabr kúninen baslap, Berdaq atındaǵı Qaraqalpaq mámleketlik universitetinde barlıq fakultet professor-oqıtıwshılarına seminarlar shólkemlestirildi.
Seminarda universitet Jaslar máseleleri hám ruwxıy–aǵartıwshılıq isleri boyınsha prorektorı S.Alawatdinov, Xalıqaralıq birge islesiw boyınsha prorektorı T.Nurımbetov, Tálim sapasın qadaǵalaw bólimi baslıǵı S.Gabbarov, Ilimiy izertlewler, innovaciyalar hám ilimiy-pedagog kadrlar tayarlaw bólimi baslıǵı Q.Nizamatdinovlar tárepinen universitette tárbiyalıq jumıslardı jolǵa qoyıw hám huqıqbuzarlıqtıń aldın alıw is-ilajları, sonday-aq, universitettiń reytingin kóteriw hám xalıqaralıq ilimiy texnikalıq bazalar menen isleseiw jumısların jáne de jetilistiriw, HEMIS bilimlendiriw proceslerin basqarıw informaciyalıq sistemasında islew, Ilimiy-izertlew hám innovaxiyalıq iskerlikti rawajlandırıw is-ilajları boyınsha keń túrde maǵlıwmatlar berildi.
Álbette, bunday seminarlar professor-oqıtıwshılardıń óz bilimlerin elede bekkemlew, aldılarına maqset belgilep, olardı ámelge asırıw jolında óz nátiyjelerin beretuǵını sózsiz. Seminar 2024-jıldıń 7-yanvar kúnine shekem dawam etedi.
QMU baspasóz xızmeti
