Student-jaslardı áskeriy kásipke baǵdarlaw, olardıń sanasına Watandı qorǵaw ullı hám maqtanıshlı minnet ekenin, watanpárwarlıq hám de milliy armiyamız benen maqtanıw, mámleket qáwipsizligin qorǵaw sezimlerin sińdiriw, Ózbekstan Respublikası Qurallı Kúshleriniń jaratılıwı hám de rawajlanıw tariyxı, qural-jaraqlar, áskeriy texnikalar hám áskeriy xızmetkerler turmısı menen tanıstırıw, sonday-aq, 14-yanvar – “Watan qorǵawshıları kúni” múnásibeti menen 2024-jıl 10-11-yanvar kúnleri “Áskeriy bólimdegi bir kúnim!” atamasında Arqa Batıs Áskeriy Okrugi quramındaǵı áskeriy bólimlerge Dene mádeniyatı fakulteti studentleriniń sayaxatları shólkemlestirildi.

Sayaxatqa Dene mádeniyatı fakultetiniń jaslar menen islesiw boyınsha dekan orınbasarı R.Óteniyazov, QMU profilaktika inspektorı I.Erejepov, tyutorlar hám student-jaslar qatnastı. Sayaxatta studentler áskerlerdiń jasaw turmısı, olarǵa jaratılǵan shárayatlar, jataq jayları, oqıw xanalı, asxanaları, kitapxanaları, sport zalları hám áskeriy qural-jaraqları menen jaqınnan tanıstı.

R.Óteniyazov

Dene mádeniyatı fakultetiniń jaslar menen islesiw boyınsha dekan orınbasarı