Usı jıldıń 11-yanvar kúni universitetimiz Málimleme resurs orayınıń oqıw zalında hayal-qızlar keńesi baslaması menen universitetimiz student jasları hám olardıń ata-anaları arasında kitapqumarlıqtı keń en jaydırıw maqsetinde «KITAPQUMAR ANALAR kúni» múnásibeti menen «Kitapqumarlıq – shańaraqtan baslanadı» atamasında ilaj ótkerildi.  Ilajdı hayal-qızlar máseleleri boyınsha rektor másláhátshisi I.Seytnazarova ashıp berdi hám basqarıp bardı. Ótkerilgen ilajǵa kitap oqıwǵa qızıǵıwshı student jaslarımızdıń anaları hám fakultet dekan másláhátshileri, Universitet Málimleme resurs orayı xızmetkerleri, student qızlar qatnast. Ktapqumar analarımız biri bolǵan Kegeylishi Amangúl apamız óz sózlerinde Kitap oqıwǵa bolǵan qızıǵıwshılıq áwele shańaraqtan baslanadı, bunda biz áziz analarımızdıń tutqan ornı girewli, men ózim hár aqlıǵımnıń tuwılǵan kúni, bayramlarda kitaplar sawǵa etemen hám kitap mazmunı haqqında sáwbetlesemiz dep jıynalǵanlarda úlken qızıǵıwshılıq oyattı. Jánede Kaipova Shiyrin apa, Aljanova Gúlsara apalardıń búgingi rawajlanǵan elde perzentleriniń tálim alıp atırǵanı maqtanısh sezımlerın bólisti. Jaslarımızdıń kitap oqıwǵa degen shın ıqlasların kórip kózimiz quwanadı deydi sóziniń juwmaǵında usı kitapxanada kóp jıllıq is tájriybesine iye Xanipa apamız. Ilaj barısında universitette hár hápteniń sárshembi kúni “Kitapqumar analar kúni” dep belgilendi.
Usı ilajda universitette “Kitapqumar analar klubın shólkemlestirildi hám klub baslıǵı etip Kegeylishi kitapqumar anamız Arzimova Amangúl apa saylandı.

QMU hayal-qızlar keńesi