Ózbekstan Respublikası Qurallı Kúshleri dúzilgenine 32 jıl tolıwı hám 14-yanvar – Watan qorǵawshılar kúni bayramı múnásibeti menen O’zLiDeP Qaraqalpaqstan Respublikalıq Keńesi tárepinen «Jańa Ózbekstan armiyası – mámleket qúdireti, joqarı isenim hám sadıqlıq tımsalı!» atamasında Berdaq atındaǵı Qaraqalpaq mámleketlik universiteti Matematika fakultetinde jaslar menen ushırasıw bolıp ótti. Ushırasıwǵa partiyanıń Qaraqalpaqstan Respublikalıq Keńesi xızmetkerleri, Xalıq deputatları Nókis qalalıq Keńesi deputatları Aklima Saypova, Zulfiya Seytniyazova, Arqa-batıs áskeriy okrugı mayor Ǵoziev Xusan, Qaraqalpaqstan Respublikası áskeriy veteranlar baslıǵı podpolkovnik Ergunusov Polatbek, Awǵanstan urıs veteranı, ishki isler mayorı Allayarov Uluǵbek, tyutorlar, student jaslar hám ǵalaba xabar quralları wákilleri qatnastı. Ushırasıwda sózge shıqqanlar mámleketimiz tárepinen Milliy armiyamızǵa qaratılıp atırǵan itibar, elimiz tınıshlıǵı hám shegaralarımızdıń qáwipsizligi, xalqımızdıń tınısh hám párawan turmısın isenimli qorǵawda márt, jawınger batırlarımızdı Ózbekstan Respublikası Qurallı Kúshleri shólkemlestirilgenligine 32 jıl tolıwı hám 14 yanvar Watan qorǵawshılar kúni bayramı menen shın júrekten qutlıqladı. Sonday-aq, Ana watanımızdıń tınıshlıǵı, xalqımızdıń párawan turmıs keshiriwinde milliy armiyamızdıń tutqan ornı ayrıqsha ekenligi atap ótildi. Ushırasıw dawamında student jaslar ózlerin qızıqtırǵan sorawlarına juwaplar aldı.