Qıtaydıń Pekin qalasında Ózbekstan – Qıtay tálim forumı bolıp ótpekte. Bul forumda Qaraqalpaq mámleketlik universiteti rektorı A.Reymov ta qatnaspaqta. Bul forumnıń maqseti eki mámleket joqarı bilimlendiriw mákemeleri ortasında birge islesiw imkaniyatların keńeytiw, xalıqaralıq baylanıslardı bekkemlew bolıp tabıladı.

Forum sheńberinde Berdaq atındaǵı Qaraqalpaq mámleketlik universiteti Qıtaydıń Tyanszin qalasındaǵı Tyanszin awıl xojalıǵı universiteti hám Tyantszin pedagogika universiteti, sonday-aq, Tyanszin  shet tilleri universitetleri menen  xalıq aralıq birge islesiw, studentlerdiń tájiriybe almasıwı boyınsha óz-ara kelisim shártnaması dúzildi.

Maǵlıwmat ushın; Tyanszin  shet tilleri universiteti, Qitaydıń shet tillerine qánigelesken segiz eń iri joqarı oqıw orınlarınan biri, “Shet tili hám ádebiyati” baǵdarına iye bolǵan kóp tarmaqlı universitet esaplanadı.

Sonday-aq, Tyanszin awıl xojalıǵı universitetine 1976 jılda tiykar saling’an bolıp, sońǵı bes jıl ishinde univesitet 500den aslam izertlew programmasın ámelge asırıp, olardan 106 Qıtaydıń qatar sıylıqlarına iye bolǵan. Xalıq aralıq student almasıw hám sheriklik boyınsha Tyanszin  awıl xojalıǵı universiteti Germaniya, Ukraina, Filippin, Yaponiya, Kanada hám Ullı Britaniya sıyaqlı dúnyanıń 20 dan artıq mámleketleriniń 50 den artıq universitetleri menen baylanıslar ornatqan.

Al, Tyanszin  pedagogika universiteti 1958 jılı dúzilgen bolıp, ha’zirde 4 xalıq aralıq standart tiykarindaǵı kurslarıdı usınısip kelmekte: Biznes basqarıwı (xalıq aralıq biznes basqarıwı), Buxgalteriya esabı (Xalıq aralıq buxgalteriya esabı), Mektepge shekem tálim (Xalıq aralıq mektepge shekem tálim), Ámeliy fizika pánleri boyınsha.