«Jas jurnalistler klubı» nıń náwbettegi ushırasıw keshesi Qaraqalpaqstanǵa xızmet kórsetken jurnalist Atajan Xalmuratovtıń dóretiwshilik xızmetine arnaldı.
Ushırasıw keshesine Ózbekstan Jurnalistler awqamı Qaraqalpaqstan bólimi baslıǵı Ózbekstanǵa xızmet kórsetken jurnalist Keńesbay Reymov, «Erkin Qaraqalpaqstan» gazetasınıń juwaplı xatkeri, belgili sport jurnalisti Saǵındıq Jániev mirát etildi. Ádebiy kesheni «Jas jurnalistler klubı» baslıǵı, Jurnalistika kafedrası docenti Ziyada Qojıqbaeva kiris sóz benen ashtı. Sózge shıqqan jurnalistika kafedrası docenti Dawletbay Bekbauliev Jurnalist Atajan Xalmuratovtıń qaraqalpaqstan jurnalistikasında ornı haqqında aytıp ótti. Jurnalistika kafedrası doktorantı Juldız Zarımbetova «Jurnalist sózi – ótkir qural» atamasında bayanat jasadı. Keshede sózge shıqqan miymanlar jurnalist dóretiwshiligińin áhmiyeti, qaraqalpaq jurnalistikasına qosqan úlesi, marhum jurnalist miynetleriniń izertleniwi máseleleri boyınsha maǵlıwmatlar berdi. Onıń publicistikalıq toplamları boyınsha bahalı pikirler aytıldı. Atajan Xalmuratovtıń iskerligi, basqalarga múnasibeti, alǵırlıgı, tapqırlıgı, shólkemlestiriw uqıplılıǵı ulgi etip kórsetildi. Ushırasıwda student jaslar ózlerin qızıqtırǵan sorawlarǵa juwaplar aldı.
Muxabbat Yusupova,
Qaraqalpaq filologiyası hám jurnalistika fakulteti tyutorı
