Usı jıldıń 30-yanvar kúni Dene mádeniyatı fakulteti hám Tariyx fakulteti studentleri menen «Jańa turmıs ushın, jańa Ózbekstan ushın» súreni astında «Máhállede duw-duw gáp» ruwxıy-aǵartıwshılıq ilajı ótkerildi. Ilajǵa Dene mádeniyatı hám Tariyx fakultetleriniń dekan orınbasarları, doktorant N.Pirnazarov, tyutorlar hám student-jaslar qatnastı. Ilajda bayanatshılar 2023-jıl 22-dekabr kúni bolıp ótken respublika ruwxıylıq hám aǵartıwshılıq Keńesiniń keńeytirilgen májilisinde Húrmetli Prezidentimiz tárepinen bildirilgen pikir, usınıslar, jańa baslamalar hám belgilep berilgen wazıypalardıń áhmiyeti haqqında keń túrde aytıp ótti.
Ótkerilgen ilajdıń tiykarǵı maqseti elimizde ruwxıy-aǵartıwshılıq jumıslardı jańa basqıshqa kóteriw, mánawiyat túsinigin jáne de úgit-násiyatlaw, rawajlanıwǵa baǵdarlanǵan dáslepki qádemler hám ilgeri súrilgen baslamalardıń mazmun-mánisin jaslarǵa túsindiriw bolıp tabıladı.
R.Óteniyazov
Dene mádeniyatı fakultetiniń
jaslar menen islesiӯ boyınsha dekan orınbasarı
