Usı jıldıń 2-fevral kúni Qaraqalpaq mámleketlik universiteti Biologiya fakultetinde «2-fevral – Jer júzilik suwlı-batpaqlı aymaqlar kúni» ne baǵıshlanǵan ilimiy seminar ótkerildi. Ilimiy seminarǵa Ózbekstan Respublikası Ekologiyalıq partiyası Qaraqalpaqstan Respublikası partiya shólkemi aǵzaları, Saygachiy kompleks landshaft buyırtpa qorıqxanası, Qubla Ústirt milliy tábiyat baǵı hám Barsakelmes buyırtpa qorıqxanasınan qánigeler, biologiya fakulteti professor oqıtıwshıları, doktorantlar, magistrantlar, student jaslar hám ǵalaba xabar quralları wákilleri qatnastı.

Ilimiy seminarda suwlı-batpaqlı aymaqlardıń biosfera turaqlılıǵın saqlaw hám insan ómirindegi áhmiyeti haqqında bayanatlar islendi. Sonday-aq, Qaraqalpaqstan Respublikası aymaǵındaǵı suwlı-batpaqlı aymaqlar hám ol jerde tarqalǵan biologiyalıq kóp túrlilik, onıń elimiz turmısındaǵı áhmiyeti haqqında maǵlıwmatlar berildi. Ilimiy seminar soraw-juwap formasında dawam etip qatnasıwshılar ózlerin qızıqtırǵan sorawlarına juwaplar aldı.

Quralbay Turdıbaev

Qoraqalpaq mámleketlik universiteti

Ekologiya hám topıraqtanıw kafedası

tayanısh doktorantı