Búgin 14-fevral kúni Berdaq atındaǵı Qaraqalpaq mámleketlik universitetinde «Student-jaslardı watansúyiwshilik ruwxında tárbiyalaw hám olardıń huqıqıy mádeniyatın jetilistiriw» atamasında ilaj bolıp ótti. Onda  Ózbekstan Respublikası Strategik analiz hám keleshekti rawajlandırıw joqarı mektebi kafedra baslıǵı B.Xojanov hám usı kafedra oqıtıwshısı O.Turaev, universitettiń barlıq fakultet jaslar menen birge islesiw boyınsha dekan orınbasarları, tyutorlar hám student-jaslar qatnastı. Ilajdı universitettiń Jaslar máseleleri hám ruwxıy-aǵartıwshılıq isleri boyınsha prorektor S.Alawatdinov ashtı hám alıp bardı. Ilajda sózge shıqqanlar, jaslar turmısına keri tásirin tiygizip atırǵan ǵalabalıq mádeniyat túrleri, olar arasında jat illetlerge qarsı ideyalıq immunitetti kúsheytiw, sonday-aq, úshinshi renessans qurıwshıları bolǵan jaslardı Watanǵa sadıqlıq ruwxında tárbiyalawda heshkim biyparıq bolmaw kerek ekenligi haqqında aytıp ótti. Ilaj soraw juwaplar hám óz-ara pikir alısıwlar menen dawam etti.