Qaraqalpaq mámleketlik universiteti Sırtqı bólim 2-kurs Elektrenergetika baǵdarınıń student-jasları professor-oqıtıwshıları tárepinen berilgen teoriyalıq bilimlerin Qaraqalpaq aymaqlıq elektr tarmaqları kárxanasınıń óndirislik bazasında islep shıǵarıw processinde bekkemlemekte. Dáslep studentlerge kárxananıń oqıw bóliminde kárxana injeneri N.Uzakbaev hám ámeliyat basshıları A.Bijanov, Q.Baymuratovlar tárepinen texnika qáwipsizligi haqqında eskertilip, túsinikler berildi. Elektr energiyasın islep shıǵarıwdan baslap, onıń tutınıwshıǵa jetip baraman degenshe quramalı texnologiyalıq processler júz beretuǵınlıǵın studentler ámeliyatta kórip, óz bilimlerin elede bekkemledi. Ámeliyat juwmaǵında joqarı oqıw ornı menen islep shıǵarıwdıń integratsiyası studentlerde kásiplik kompetenciyanıń durıs qáliplesiwinde ayrıqsha orınǵá iye ekenligi dálillendi.