Usı jıldıń 27-28-fevral kúnleri Qubla Ural mámleketlik gumanitar-pedagogikalıq universiteti tárepinen ótkerilgen “Innovaciyalıq tálim zamanagóy jaslar kóz-qarasında” atamasında IX xalıq aralıq ilimiy-ámeliy konferenciyasında Kórkem óner fakulteti Pedagogika hám psixologiya kafedrası professor-oqıtıwshıları basshılıǵında ámeliy psixologiya baǵdarınıń studentleri qatnastı.
Konferenciya “Shadrin mámleketlik pedagogikalıq universiteti (Rossiya) bazasında studentler ushın «Bolajaq oqıtıwshını tayarlawda kásiplik iskerliktiń innovaciyalıq usılları hám quralların ózlestiriw» sekciyasında alıp barıldı.
Studentlerdiń jumısları tańlaw tiykarında tańlap alınıp hám juwmaqlawshı ZOOM konfrenciyasında 4-kurs studenti Nilufar Yusupova, 3-kurs studenti Gulsanem Omirbayeva hám de Sabrina Allambergenova, 2-kurs studenti Rayxan Aymuratova Botakoz Ermagambetova óz bayanatları menen qatnastı.
Xalıq aralıq konfrenciyada studentlerimizdiń joqarı dárejede belsendi qatnastı. Qatnasıwshılarǵa sertifikatlar, olardıń oqıtıwshı-basshılarına bolsa YuUrGGPOl tárepinen alǵısnamalar tapsırıldı. Pedagogika hám psixologiya kafedrası usı baǵdardaǵı konferenciyalarda eki jıldan berli qatnasıp kelmekte. Studentlerde ilimiy-izertlew kónlikpelerin, ilimiy maǵlıwmatlardı usınıw kónlikpelerin rawajlandırıw hám konsalting, korrekciya hám tálim psixologiyası tarawında alınǵan ámeliy bilim hám kónlikpeler biz tayarlap atırǵan kadrlar ushın bul konlikpeler júdá zárúrli bolıp tabıladı.
