«Ózbekstan hám Qaraqalpaqstan tariyxı» kafedrası janındaǵı Akademik Sabır Kamalov oqıw awditoriyasında «Ózbekstan hám Qaraqalpaqstan tariyxı» hám «Arxeologiya» kafedraları menen birgelikte gezektegi qospa ilimiy seminar bolıp ótti. Seminarda fakultet dekanı S.Sulaymanov, «Arxeologiya» kafedrası baslıǵı J.Hákimniyazov, «Ózbekstan hám Qaraqalpaqstan tariyxı» kafedrası baslıǵı I.Elmuratov hám de professor-oqıtıwshılar, doktorantlar qatnastı. Seminardı fakultet dekanı S.Sulaymanov ashıp berdi hám «Arxeologiya» kafedrası assistenti Sherniyazov Raximnıń «Soʻnggi oʻrta asrlarda quyi Amudaryo hududida yuz bergan etnosiyosiy jarayonlar tarixi» temasındaǵı 07.00.01 – Ózbekstan tarıyxı qánigeligi boyınsha filosofiya doktorı (PhD) dissertatsiyası dáslepki talqılawdan ótkerildi. Ilimiy seminar dawamında rásmiy opponentler hám pikir bildiriwshiler shıǵıp sóyledi. Ilmiy jumıstıń jetiskenligi, sonday-aq, qáte kemshilikleri dodalanıp, qosımsha usınıs hám pikirler bildirildi.

Zaripbaev Usnatdin Oraqbay ulı
Ózbekstan hám Qaraqalpaqstan tariyxı
kafedrası oqıtıwshısı