Aldın xabar bergenimizdey, búgin 12-mart kúni Shımbay rayonı hákimliginiń májilisler zalında «Akademik hám jaslar» ushırasıwı bolıp ótti. Onda Berdaq atındaǵı Qaraqalpaq mámleketlik universiteti rektorı, akademik A.Reymov, rayon sektor basshıları hám rayondaǵı ulıwma orta bilim beriw mektep pitkeriwshileri qatnastı.
Ushırasıwda dáslep A.Reymov sózge shıǵıp, Elimizde sońǵı jılları jaslarǵa qaratılıp atırǵan itibar, Prezidentimiz tárepinen qabıl etilip atırǵan qarar hám pármanlar, ásirese Prezidentimizdiń 213-sanlı Pármanınıń mazmunı hám áhmiyeti, onda belgilep berilgen baslı wazıypalar haqqında sóz etti.
Bunnan soń, akademik A.Reymov Qaraqalpaq mámleketlik universitetine studentlerdi qamtıp alıw, bul jerde studentler hám magistrantlardıń oqıp bilim alıwı ushın jaratılǵan sharayatlar, studentler tárepinen alıp barılıp atırǵan ilimiy izertlew jumısları boyınsha maǵlıwmatlar berip, ushırasıw qatnasıwshılarınıń qızıqtırǵan sorawlarına juwap berdi. Sonıń menen birge, ushırasıw dawamında belsene qatnasqan oqıwshılarǵa óziniń tayarlap kelgen estelik sawǵaların tapsırdı.
QMU baspasóz xızmeti
