Usı jıldıń 1-7-mart kúnleri Berdaq atındaǵı Berdaq atındaǵı Qaraqalpaq mámleketlik universiteti «Ekonomika» kafedrası professorı w.a. Adilchaev Rustem Tursınbaevich Rossiya Federaciyasınıń Sochi qalasında ótkerilgen Xalıqaralıq festival jaslar festivalına ekspert sıpatında qatnasıp qayttı. Bul festivalda dúnyanıń 180 nen aslam mámleketinen 20 mıńnan artıq jaslar (studentler, mektep oqıwshıları) qatnastı. Festival shólkemlestiriwshisi bolǵan M.V.Lomonosov atındaǵı Moskva mámleketlik universitetiniń prorektorları, onıń hár ellerdegi filialları direktorları hám basqada ellerden kelgen alımlar, studentler menen pikir alısıwlar bolıp ótti. Bunda R.T.Adilchaev shıǵıp sóylep, Qaraqalpaq mámleketlik universiteti haqqında, keleshekte birge islesiw baǵdarında pikir usınısların bildirdi. Sonday-aq, Moskva mámleketlik universiteti rektorı akademik Viktor Antonovich Sadovnichiy menen ushırasıw boldı. Festivldıń jabılıw saltanatında Rossiya mámleketi Prezidenti V.V.Putin qatnastı. Bul festivaldıń keyingi basqıshlarında biziń universitetimizdińde talantlı jasları belsendilik penen qatnasadı degen úmittemiz.

 «Ekonomika» kafedrası professorı w.a. Rustem Adilchaev