Usı jıldıń 13-mart kúni V.F.Yakovlev atındaǵı Ural mámleketlik yuridik universiteti tárepinen shólkemlestirilgen «Evropa-Aziya huqıqıy universiteti» konsorciumı qatnasıwshı universitetiler koordinatorlarınıń ushırasıwı bolıp ótti. Ushırasıwda Tájikstan milliy universiteti, V.F.Yakovlev atındaǵı Ural mámleketlik yuridik universiteti, Rossiya-Armyan universiteti, Belarus mámleketlik universiteti, Kaspiy jámiyetlik universiteti, Qırǵızıstan milliy universiteti, Qubla Osetiya mámleketlik universiteti, Komrat mámleketlik universiteti, Ya.Kupala atındaǵı Grodno mámleketlik universiteti, Belarus Respublikası Prezident janındaǵı Basqarıw akademiyası, Rossiya-Tájikstan (slavyan) universiteti, L.N.Gumilev atındaǵı Evroaziya milliy universiteti, Tashkent mámleketlik yuridik universitetleri hám Berdaq atındaǵı Qaraqalpaq máleketlik universiteti Yuridika fakulteti dekanı yu.i.k., docent F.Qutlımuratov, «Puqaralıq hám biznes huqıqı» kafedrası baslıǵı PhD, docent M.Tleumuratov, kafedra professorı, yu.i.d. Q.Umarova hám professor-oqıtıwshılar qatnastı.

Ushırasıw dawamında 2024-jıldan baslap konsorcium sheńberinde keleshekte dissertaciya izertlew jumıslarına qospa basshılıq, másláhát beriw haqqında (sonday-aq, birge islesiw boyınsha doktorantura, ilimiy stajirovkalar), Konsorcium alımlarınıń dawam etip atırǵan magistrlik izertlewleri boyınsha birge islesiw, máslahát beriw haqqında, “Jazǵı universitet 2024” joybarında qatnasıw ushın student jaslardı tańlap alıw haqqında, 2024-2025 oqıw jılı ushın Xalıqaralıq puqaralıq processual mektebi sheńberinde “Evroaziya aymaǵında xalıqaralıq hám salıstırmalı puqaralıq processual: táliymat hám ámeliyat máseleleri» qánigeligin jetilistiriw baǵdarlamasınıń iske túsiriw haqqında joybarlar dodalandı.

Ushırasıw sońında kórip shıǵılǵan ilimiy, birge islesiw, qánigeligin jetilistiriw máselelerin keleshekte ámelge asırılıwı kerek bolǵan ilajlardı sheshiw boyınsha qarar qabıl etildi.

«Puqaralıq hám biznes huqıqı» kafedrası assistenti Yu.Abdreymov