Shet elli alımlar menen oqıw, ilimiy hám ilimiy pedagogikalıq baylanıslardı kúsheytiw maqsetinde usı jıldıń 14-15-mart kúnleri Qaraqalaq mámleketlik universiteti Yuridika fakulteti 1-kurs qaraqalpaq toparları studentlerine «Insan huqıqları, mámleketlik huqıq hám basqarıw» kafedrasınıń «Mámleket hám huqıq teoriyası» páninen Qazaqstan Respublikası, Xalıqaralıq turizm hám miymandoslıq universiteti prorektorı, yuridika ilimleri kandidatı Adilova Kultay Aǵıtaevna lekciya sabaǵın ótti.
Lekciya sabaǵı dawamında studentler mámleket hám huqıq teoriyası boyınsha ózleriniń qızıqtırǵan sorawlarına juwapların aldı. Bunnan soń yu.i.k. K.Adilova universitettiń oqıw isleri boyınsha prorektor O.Dúysenbaev penen oqıw, oqıw metodikalıq hám ilimiy baǵdarlar boyınsha birge islesiwdi ámelge asırıw haqqında sóylesiwler alıp bardı. Sonıń menen birge, K.Adilova Yuridika fakulteti professor oqıtıwshılarına xalıqaralıq joybarlarda birge islesiw, oqıw, ilimiy hám ilimiy pedagogikalıq tarawlarda baylanıstı kúsheytiw boyınsha seminar ótti. Seminarǵa fakultet dekanı F.Qutlımuratov, professor-oqıtıwshılar, tayanısh doktorantlar qatnastı.
