Búgin Qaraqalpaq mámleketlik universiteti Xalıqaralıq birge islesiw bólimi tárepinen Qıtaydıń Tian Jin Awıl xojalıq universiteti hám universitetimizdiń biologiya fakulteti arasında onlayn ushırasıw shólkemlestirildi.
Dáslep Tian Jin universiteti professorı óziniń universiteti haqqında maǵlıwmatlar berip ótti. Bunnan soń, universitettiń biologiya fakulteti dekanı Ya.Ametov fakulteti haqqında tanıstırıp ótti.
Ushırasıw barısında, biologiya fakulteti professor-oqıtıwshıları Tian Jin Awıl xojalıq universiteti qánigelerinen ózleriniń awıl-xojalıq tarawındaǵı, atap aytqanda, ósimlikler jetilistiriw boyınsha qızıqtırǵan sorawların berip, tolıq juwaplar aldı.
Sonday-aq, studentler almasıwı, professor-oqıtıwshılardı tájiriybe arttırıw ushın ilimiy stajirovkaǵa jiberiw hám de Qaraqalpaqstan awıl xojalıǵı tarawına Qıtay texnologiyaların alıp keliw sıyaqlı bir qatar ózleriniń usınısların aytıp ótti. Óz gezeginde, Tian Jin universiteti wákilleri bul ushırasıw óz-ara birge islesiwge tiykar bolatuǵının atap ótti hám usınıslardı qollap quwatladı. Ushırasıw nátiyjesinde tárepler bildirilgen usınıslar tiykarında birge islesiwdi jolǵa qoyıwǵa kelisip aldı.
