Berdaq atındaǵı QMU Ekonomika fakulteti 4-kurs «Menedjment» tálim baǵdarı studentleri oqıw reje tiykarında 25-marttan 20-aprel aralıǵında óndirislik ámeliyattı ótew boyınsha ámeliyat orınlarına jiberildi. Bul boyınsha «Menejment hám ekonomika tiykarlari» kafedrası professor-oqıtıwshıları tárepinen 4-kurs «Menedjment» tálim baǵdarı studentlerine seminar shólkemlestirildi.

Seminarda «Menejment hám ekonomika tiykarlari» kafedrası docentleri T.Jiyemuratov, A.Dawletmuratov, E.Madenova, A.Taspanova hám assistent oqıtıwshılar B.Erejepova, J.Davletovlar studentlerdıń ámeliyat waqtında ámeliyat baǵdarlamasındaǵı tapsırmalardı tolıq orınlaw, óndirislik ámeliyattı ótew orını jumıs iskerligi menen tolıq tanısıp barıw, kúndelik dápter júrgiziw, onda hár kúni orınlanǵan jumıs mazmunın jazıp barıw hám kún aqırında ámeliyat basshısına tastıyıqlatıw kerekligi haqqında aytıp ótildi. Seminar sońında ámeliyat ótew boyınsha studentler tárepinen sorawlar berilip, olarǵa anıq hám tolıq juwaplar alındı.