Xabarıńız bar, úlkemiz boylap, «Jasıl mákan» ulıwma milliy joybarı sheńberinde dekorativ hám miyweli terek nállerin egiw hám nál egiw ushın orınlardı tayarlaw boyınsha bir qansha ilajlar ótkerilip, kelinbekte. Usınday ilajlardıń biri búgin Berdaq atındaǵı Qaraqalpaq mámleketlik universitetiniń Shımbay fakultetinde bolıp ótti.

Onda universitet rektorı A.Reymov basshılıǵında universitettiń juwapker xızmetkerleri hám fakultet student-jasları qatnastı. Dáslep rektor A.Reymov Ekologiya hám topıraqtanıw kafedrası professor-oqıtıwshılarına hám tiyisli juwapkerlerge bul jerde Bioekologiya ilmiy laboratoriya ásbap úskeneleri járdeminde topıraqtın quramın anıqlap hám usı topıraqqa tez beyimlesetuǵın terek nállerin egiw kerekligi boyınsha tapsırmalar berdi.

Bunnan soń, joybar sheńberinde tereklerdi aqlaw hám putaw, abadanlastırıw hám kókelemzarlastırıw sonday-aq, terek nállerin egiw jumısları alıp barıldı. Joybarda universitettiń Kórkem óner fakulteti talantlı student-jasları tárepinen qosıqlar atqarılıp, jiynalǵanlarǵa kóterińki keypiyat baǵıshladı.