Berdaq atındaǵı Qaraqalpaq mámleketlik universiteti
Shet tiller fakulteti awdarma teoriyası hám ámeliyatı kafedrası tárepinen jumıs beriwshiler menen ushırasıw shólkemlestirildi. Ushırasıwda universitettiń oqıw isleri boyınsha prorektorı O.Dúysenbaev, QR turizm basqarması turizm tarawında kadrlar potencialın asırıw boyınsha bas qánige J.Artıkov, «Nica Nukus» turistlik kárxanası baslıǵı A.Bekjanova, QR tariyxı hám mádeniyatı mámleketlik muzeyi ilimiy xızmetkeri J.Rzaeva, universitetimiz marketing xızmeti bólimi baslıǵı F.Maqsetov, fakultet professor-oqıtıwshılar, studentler qatnastı.
Ilajdı Shet tiller fakulteti awdarma teoriyası hám ámeliyatı kafedrası baslıǵı J.Seytjanov alıp bardı. Ol óz sózinde pitkeriwshi kurs studentlerin jumıs benen támiynlew máselesinde búgingi kúnde fakultette, kafedrada alıp barılıp atırǵan jumıslarǵa toqtalıp, kelgen miymanlarǵa fakultette 2023/2024 oqıw jılında pitkeriwshiler boyınsha maǵlıwmatlar berip ótti.
Bunnan soń, ushırasıwda sózge shıqqanları búgingi kúnde mámleketimiz tárepinen jaslardıń bilim alıwları ushın jaratıp bergen imkanyatlardan durıs hám orınlı paydalanıwımız kerek ekenligin, oqıwdı pitkergennen soń óz kásibiniń mamanı bolıp, elimizdiń rawajalnıwna úlesin qosatuǵın qánigeler bolıp jetilisiwi kerekligin aytıp ótti. Ushırasıw sońında student-jaslar ózleriniń qızqtırǵan sorawlarına juwaplar aldı.
Bunday ushırasıwlardı ótkeriwden tiykarǵı maqset kadrlar tutınıwshıları menen oqıw-metodikalıq jumıslardı jetilistiriw boyınsha pikir almasıw hám ámeliyat ótiw orınları xızmetkerleri menen ushırasıw, seminarlar shólkemlestiriw.
Sonday-aq, kadrlar tutınıwshıları menen elede jaqınnan baylanıs ornatıw;
– kafedranıń kadrlar tutınıwshıları menen birge bolajak kadrlardın mamanlıǵı, olardıń talabı boyınsha oqıw rejelerge qanday pán kiritiw kerek, kanday temalar bolıwı kerekligi boyınsha másláhátlesiwler alıp barıw;
– kadrlar tutınıwshılarınıń bergen usınısları boyınsha 2024/2025-oqıw jılı ushın tayarlıq aktı hújjetlerin islep shıǵıw;
–bilimlendiriw processin óndiris penen tıǵız baylanıstırıw (praktikalar, ameliy hám laboratoriya sabaqları, ózbetinshe jumıslar, ilimiy isler hám PKJ/MDlardıń temaların olardıń mashqalalarına qaratıw bolıp tabıladı.
