Usı jıldıń 5-aprel kúni Tariyx fakultetinde 9-aprel – Qaraqalpaqstan Respublikası Konstituciyasınıń 31 jıllıǵına baǵıshlanǵan «Konstituciya – insan huqıqlarınıń qorǵanı» atamasında ilaj bolıp ótti. Ilaj Ózbekstan hám Qaraqalpaqstan Respublikalarınıń Mámleketlik Gimnleri menen baslandı. Ilajdı dekannıń oqıw isleri boyınsha orınbasarı M.Sultaniyazov ashıp berdi. Ol konstituciyamızǵa baylanıslı ilajlar respublikamızdıń barlıq orınlarında keń túrde belgilenip atırǵanı, konstituciyanıń insan huqıqları hám jámiyette tutqan ornı haqqında aytıp ótti. Bunnan keyin shıǵıp sóylegen Ózbekstan hám Qaraqalpaqstan tariyxı kafedrası oqıtıwshısı R.Ilauatdinov Qaraqalpaqstan Respublikasınıń Konstituciyası xalqımızdıń mápleri hám huqıqların qorǵawdaǵı, insannıń miynet etiw, bilim alıw hám jeke ómirindegi huqıqları haqqında keń túrde maǵlıwmat berdi.

Ilaj sońında 1-kurs Tariyx qánigeliginiń studentleri arasında Konstituciyaǵa baylanıslı «Konstituciya bilimdanları» atlı «Zákawat» intellektual oyını ótkerildi. Ilajǵa fakultet dekanınıń Jaslar máseleleri boyınsha orınbasarı K.Najimov hám tyutorlar qatnastı. Ilaj qatnasıwshılarda tereń tásir qaldırdı.   

Baxıtgúl Esemuratova,

Qaraqalpaq mámleketlik universiteti

Tariyx fakultetiniń tyutorı