Ózbekstan Respublikası joqarı bilim, ilim hám innovaciyalar ministrliginiń 2023-jıl 6-mart kúngi №44-sanlı buyrıǵında belgilengen wazıypalardı orınlaw maqsetinde Qaraqalpaq mámleketlik universitetiniń professor-oqıtıwshılarınıń Taqıyatas rayonı Taqıyatas kásip óner mektebinde ótilip atırǵan sabaq processin analiz etiw hám de metodikalıq járdem kórsetiw boyınsha barıp kórsetpeler berdi. Bul jerde Qaraqalpaq mámleketlik universitetiniń «Buxgalteriyalık esap hám audit» kafedrası professor w.a. Berdaq Mırzanov, «Inglis til bilimi» kafedrası w.w.a. docenti Abish Musaev, «Ulıwma biologiya» kafedrası oqıtıwshısı Almat Eshanov, «Kórkem-óner» kafedrası oqıtıwshısı Raziya Orazalieva, QMU doktorantı Nurjamal Ametovalar tárepinen Taqıyatas rayonı Kásip óner mektebin barıp kóriw dawamında oqıtıwshılarǵa sabaq proceslerin shólkemlestiriwdiń eń nátiyjeli usılları hám metodları, zamanagóy pedagogikalıq texnologiyalardan paydalanıw boyınsha metodikalıq kórsetpeler berildi. Atap aytkanda Berdaq Mırzanov tárepinen «Biznes tiykarları» pánin ótiwde «Mikro biznes» oyını simulyaciyasın qollanıw boyınsha usınıslar berildi. Sonday-aq, Abish Musaev tárepinen Taqıyatas rayonı Kásip óner mektebi oqıtıwshısınıń «Inglis tili» páninen ótken sabaǵın baqlaw nátiyjesinde keyingi oqıtıw usıllarınan biri esaplanǵan Kommunikativ usılınan keńirek paydalanıw usınıs etildi.
QMU «Inglis til bilimi» kafedrası w.w.a. docenti Abish Musaev tárepinen Kásip-óner mektebi inglis tili oqıtıwshıları hám oqıwshıları ushın «General characteristics of Germanic languages» atamasında master-klass ótildi. Master klass sońında mekteptiń inglis tili oqıtıwshıları menen mektep oqıwshıları ushın pán dástúr tiykarında oqıwlıq qollanba jaratıw máselesi dodalandı.
QMU «Kórkem-óner» kafedrası oqıtıwshısı Raziya Orazalieva tárepinen Ruwxıylıq hám aǵartıwshılıq isleri boyinsha direktor orınbasarı menen birgelikte mektepte ótkerilgen bárshe ilajlardı úyrenildi, topar basshıları hújjetleri menen tanısıldı. Jánede ata-analar menen islesiw, oqıwǵa úlgeriwi tómen bolǵan oqıwshılarǵa qanday shara kórilgenligi haqqında tanısıldı. Ushrasıw dawamında Almat Eshanov hám Nurjamal Ametovalar oqıw procesinde qollanılatuǵın jańa pedagogikalıq texnologiyalardan paydalanıw hám birge islesiw haqqında óz usınıs hám pikirlerin bildirdi.
Tayarlaǵan: Inglis til bilimi kafedrası w.w.a. docenti A.Musaev
