Ózbekstan Respublikası Joqarı bilimlendiriw, ilim hám innovaciyalar ministrliginiń tiyisli májilis bayanlamasında belgilengen wazıypalardan kelip shıǵıp, universitet tyutorlarınıń bilim kónlikpelerin asırıw, olardıń jumıs iskerligin jetilistiriw, jaslarǵa tálim hám tárbiya beriwde ushırasıp atırǵan mashqalalardı mánawiy hám de ruwxıy qollap-quwatlaw arqalı sheshimlerin tabıw maqsetinde Qaraqalpaq mámleketlik universitetinde oqıw kursları shólkemlestirilmekte.

Ótkerilip atırǵan oqıw kurslarında dáslepki juplıq sabaǵı «Jańa Konstituciya hám jaslar siyasatı» teması menen baslandı. Bir aylıq oqıw kursları dawamında tyutorlar Jańa Ózbekstanda bilimlendiriw tarawındaǵı reformalar, globallasıw sharayatında jaslardı Watanǵa muhabbat hám sadıqlıq, ata-babalardan miyras bolıp kiyatırǵan qádiriyatlarǵa húrmet ruwxında tárbiyalaw, milletler aralıq tatıwlıq hám keńpeyillikti, kitapqumarlıq hám ekologiyalıq mádeniyattı jaslar arasında keńnen úgit-násiyatlaw hám jaslarǵa baylanıslı mámleketlik siyasattıń basqa da áhmiyetli máseleleri boyınsha óz bilimlerin tiyisli qánigeler basshılıǵında bekkemlep baradı.
Oqıw kursları juwmaqları boyınsha tyutorlardıń iyelegen bilim hám kónlikpeleri jazba hám test formasında sınaqtan ótkeriliwi, olardıń jumıs nátiyjeliligi arnawlı bahalaw mexanizmi (KPI) boyınsha bahalanıwı jobalastırılǵan.

Jaslar menen islesiw, ruwxıylıq hám aǵartıwshılıq bólimi baslıǵı Q.Beknazarov