Xabarıńız bar, búgin 23-aprel kúni Berdaq atındaǵı Qaraqalpaq mámleketlik universitetinde Ózbekstan boylap «Máripat taratıp» joybarı sheńberinde jazıwshı hám shayırlar menen ushırasıw bolıp ótti. Onda Ózbekstan jazıwshılar awqamı aǵzası, Ózbekstan Respublikasına xızmet kórsetken mádeniyat xızmetkeri Bobur Bobomurod, Ózbekstan xalıq jazıwshısı Keńesbay Karimov, Qaraqalpaqstan xalıq shayırı Xalila Dawletnazarovlar miymanda boldı. Ushırasıwdı universitettiń jaslar máseleleri hám ruwxıy-aǵartıwshılıq isleri boyınsha prorektor S.Alawatdinov basqarıp bardı hám jazıwshı shayırlardıń ómir jolları, dóretiwshiligi boyınsha jıynalǵanlarǵa keń túrde maǵlıwmatlar berdi.

Bunnan soń, jazıwshı hám shayırlar sózge shıpıǵ, búgingi kúnde mámleketimizde jaslar tiyisli mámleketlik siyasattıń nátiyjeligi, bul baǵdarda ámelge asırılıp atırǵan keń kólemli jumıslar, jaslarǵa jaratılǵan imkaniyatlar haqqında aytıp ótti. Bunnan soń, shayır hám jazıwshılar ózleriniń ustazları, dóretiwshiligi, haqqında student-jaslar menen pikirlesti. Ushırasıwda student-jaslar ózleriniń qızıqtırǵan sorawlarına juwaplar aldı. Bunday ushırasıwlardı ótkeriwden tiykarǵı maqset student-jaslar arasında kitapqumarlıq jáne kitap oqıw mádeniyatın keń túrde úgit-násiyatlaw keleshegimiz iyeleri bolǵan jaslarımızdı watansúyiwshilik ruxında tárbiyalaw bolıp tabıladı.