Ózbekstan Respublikası Ilimler akademiyasınıń haqıyqıy aǵzalarınıń 2024-jılǵa belgilengen is-rejelerinde mámleketimizde ámelge asırılıp atırǵan reformalardıń mazmun-mánisin orınlarda keń túrde úgit násiyat ilajların ótkeriw názerde tutılǵan.
Usı tiykarda búgin 26-aprel kúni Moynaq rayonı mádeniyat sarayında “Akademik hám jaslar” ushırasıw bolıp ótti. Onda Ózbekstan Respublikası ilimler akademiyası akademikleri, Turabdjanov Sadritdin Maxamatdinovich hám Reymov Axmed Mambetkarimovichler hám mektep pitkeriwshileri qatnastı.
Ushırasıwdı Moynaq rayonı hákimi B.Menglibekov alıp bardı hám ushırasıw qatnasıwshılarına Ózbekstan Respublikası Ilimler akademiyasınıń haqıyqıy aǵzaları akademikler Turabdjanov Sadritdin Maxamatdinovich hám Reymov Axmed Mambetkarimovichlardı tanıstırıp ótti. Ushırasıwda sózge shıqqanlar sońǵı jıllardı Prezidentimiz tárepinen jaslarǵa jaratılǵan imkaniyatlar, joqarı oqıw orınlarına hújjet tapsırıwdaǵı ózgerisler, jaslar ushın ajıratılǵan kvotalar hám joqarı oqıw orınları boyınsha maǵlıwmatlar berildi. Ilajda Moynaq rayonı Mektepke shekemgi hám mektep bilimlendiriw bólimine qaraslı ulıwma orta bilim beriw mekteplerine kórkem ádebiy kitaplar sawǵa etildi. Jaslar menen ashıq sáwbetten soń joqarı oqıw orınları rektorlarınıń rayonnıń dıqqatqa ılayıqlı orınlarına sayaxatı shólkemlestirildi.
