Sońǵı jılları Respublikamızda jaslardıń bántligin támiyinlewge úlken itibar qaratılmaqta. Qaraqalpaq mámleketlik universiteti tárepinen islep shıǵılǵan Kadrlar buyırtpashıları menen ushırasıw rejesi boyınsha 2024-jıl 17-aprel kúni Biologiya fakultetinde Biologiya, Ekologiya hám qorshaǵan ortalıqtı qorǵaw, Topıraqtanıw, Darilik ósimliklerdi jetilistiriw hám qayta islew texnologiyası tálim baǵdarları pitkeriwshi studentler hám kadrlar buyırtpashıları menen ushırasıw bolıp ótti.
Tadbirge Ózbekstan Respublikası Ilimler Akademiyası Qaraqalpaqstan bólimi Qaraqalpaq tábiyat ilim-izertlew institutı, Qaraqalpaqstan Respublikası Ekologiya, qorshaǵan ortalıqtı qorǵaw hám ıqlım ózgeriwi ministrligi, Toǵay xojalıǵı agentligi, Boyan hám basqa dárilik ósimliklerdi jetistiriw hám qayta islew kárxanaları associaciyası, Qaraqalpaqstan Respublikası suw xojalıǵı ministrligi janındaǵı meliorativ ekspediciyası, Sudoche-Aqpetki mámleketlik buyırtpa qorıqxanası, Qubla Ústirt milliy tábiyat baǵı hám Tómengi Ámiwdárya mámleketlik biosfera rezervatınan qánigeler qatnastı.
Ushırasıwda qatnasqan mekeme hám shólkemlerdiń wákilleri ózleriniń kárxanalarındaǵı alıp barılatuǵın jumıslar, qanigelerge qoyılatuǵın talaplar hám normativ hújjetler haqqında maǵlıwmat berdi. Sonday-aq kárxanalardaǵı vakant jumıs orınları hám oǵan hújjet tapsırıw tártiplerin túsindirip ótti.
Ushırasıw soraw juwap formasında dawam etip pitkeriwshi studentler ózlerin qızıqtırǵan sorawlarına juwaplar aldı.
Yakub Ametov
Biologiya fakulteti dekanı,
biologiya ilimleri doktorı, professor
Amir Alimbetov
Ekologiya hám topıraqtanıw kafedrası assistenti
