Búgin 29-aprel kúni keyingi oqıw jılı ushın Tańlaw pánlerin belgilew boyınsha kadrlar buyırtpashıları menen oqıw-metodikalıq jumıslardı jetilistiriw boyınsha pikir almasıw hám 2023/2024 oqıw jılı Yuridika fakulteti pitkeriwshi kursları ushın tiyisli jumıs beriwshi sud hám huqıq qorǵaw uyımları, mákeme, kárxana hám shólkem basshıları menen ushırasıw shólkemlestirildi. Ushırasıwǵa Qaraqalpaq mámleketlik universiteti oqıw isleri boyınsha prorektorı O.Dúysenbaev, Yuridika fakulteti dekanı F.Qutlımuratov, kafedra baslıqları, Qaraqalpaqstan Respublikası sudı K.Tarixov, Qaraqalpaqstan Respublikası prokuraturası kadrlar bólimi baslıǵı I.Razzaqov, Qaraqalpaqstan Respublikası Ádillik ministrligi insan resursları sektorı baslıǵı E.Ǵoyibov, Qaraqalpaqstan Respublikası ishki isler ministrligi kadrlar bólimi inspektorı B.Turekeev, Ózbekstan Respublikası Bas Prokuraturası janındaǵı Májbúriy orınlaw byurosınıń Qaraqalpaqstan Respublikası basqarması kadrlar bólimi xızmetkeri A.Yusupova, Ózbekstan Respublikası Adkovatlar palatası Qaraqalpaqstan Respublikası aymaqlıq basqarması baslıǵı orınbasarı F.Romanov hám student-jaslar qatnastı.

Ushırasıwdı Qaraqalpaq mámleketlik universiteti oqıw isleri boyınsha prorektorı O.Dúysenbaev ashıp berdi hám alıp bardı. Ushırasıwda kadrlar buyırtpashıları tiykarınan jumısqa qabıl etiw talapları, házirgi waqıtta bar bolǵan vakant orınları haqqında maǵlıwmat berip, oqıtılıp atırǵan tańlaw pánlerinede ózleriniń pikirlerin bildirdi. Ushırasıw barısında pitkeriwshi studentler ózleriniń qızıqtırǵan sorawlarına juwaplar aldı.

Ushırasıw barısında Qaraqalpaqstan Respublikası sudı K.Tarixov Yuridika fakultetine Qaraqalpaqstan Respublikası sudı atınan yuridikalıq adebiyatlar toplamın sawǵa etti.