Jas áwlad tárbiyası búgingi kúnniń eń aktual máselelerinen esaplanıp, mámleketimiz tárepinen ayrıqsha itibar qaratılıp bul baǵdarda bir qansha jumıslar ámelge asırılıp kelinbekte. Olardıń bos waqıtların únemli paydalanıw maqsetinde jaslardı hár qıylı oraylarǵa biriktirip ol jerlerde viktorinalar, tańlawlar, dógerekler, klublar shólkemlestirilip jaslardıń belsendiligin arttırıwǵa xızmet etpekte. Mámleketimizde bunday unamlı jumıslardı jánede bekkemlew maqsetinde ótken 2023-jıldıń 28-noyabrde Prezidentimizdiń Jaslar ushın mıń kitap joybarın ámelge asırıw haqqındaǵı PK-380-sanlı kararı kabıl etilgen edi. Bul qarardı qabıl etiwden tiykarqı maqset Jaslar ushın mıń kitap joybarın ámelge asırıw yaǵnıy dúnyaǵa belgili bolǵan mıń kitaptı ózbek tiline awdarıw hám baspadan shıǵarıw arqalı jaslardı zamanagóy ilim pánniń sońǵı jańalıqları menen jaqınnan tanıstırıp, olardıń intellektual bilimlerin asırıwdan ibarat. Awdarma etiletuǵın kitaplar dizimin qáliplestiriw ushın Málimleme hám ǵalaba xabar agentligi Jaslar máseleleri agentligi menen birgelikte ilim pán, mádeniyat, kórkem óner, ádebiyat hám taǵı basqa tarawlarda tájiriybe hám jetik bilimge iye alımlar hámde Respublika ruwxıylıq hám aǵartıqshılıq orayı, din isleri boyınsha qánigelerden ibarat eksperler Keńesin dúzedi. Bunda mámleket buyırtpası tiykarında basıp shıǵarılatuǵın kitaplar, Ekspertler keńesi usınısına kóre Jaslar isleri agentligi tárepinen málimleme kitapxana mekemeleri, usı kóz karastan mámleket hákimyatı hám basqarıwı organlarınıń kitapxanalarına sonday aq, olardıń elektron nusxaları kitapxanlar keń paydalanıwları ushın avtorlıq huquqı iyesi menen kelisilgen halda Ózbekstan Milliy kitapxanası hám Ilimler akademiyası dizimindegi kitapxanalarǵa biyǵárez beriliwi qararda belgilengen. Joybar sheńberinde mámleketimizde kitapxanlıqtı en jaydırıw maqsetinde ministirlikler, mekeme karxanalar, shólkemler hámde málimleme – kitapxana shólkemleri ortasında jaqın maqsetli birge islesiwdi jolǵa qoyıw, sonday-aq Ózbekstan Milliy kitapxanası, Ilimler akademiyası hám Respublika balalar kitapxanası imkaniyatlarınan tolıq paydalanıw, mápdar mámleketlik emes telekanallardı biriktirgen halda kitapxanlıqtı úgit násiyatlawǵa qaratılǵan media ónimlerdi tayarlaw hám olardıń efirge uzatılıwın támiynlew menen birge belsendi kitapxanlardı múnásip xoshametlep barıw názerde tutılǵan. Bul baslama Prezidentimiz diń jaslar intellektual bilimlerin asırıw, kitap súyer áwladtı tárbiyalaw jolındaǵı bekkem turaqlı baslaması sıpatında 2023-jılı 22-dekabrdegi ótkergen Respublika Ruwxıylıq hám aǵartıwshılıq Keńesiniń keńeytirilgen jıynalısında jámiyetimizde kitapxanlıq mádeniyatın asırıw, qollap quwatlaw; avtor hám awdarmashılarǵa belgilengen qálem haqını kóbeytiw; baspaxana mekemeleriniń finanslıq imkániyatların keńeytiw maqsetinde bes jılǵa salıqlardan azat etiwliwleri bunıń ayqın dálili esaplanadı.
Arxitektura fakulteti tyutorı G.Jubanova
