Búgin Berdaq atındaǵı Qaraqalpaq mámleketlik universitetinde Buxara mámleketlik universiteti rektorı O.Xamidov, usı universitettiń Jaslar máseleleri hám ruwxıy-aǵartıwshılıq isleri boyınsha birinshi prorektorı A.Amonov, ilimiy isler hám innovaciyalar boyınsha prorektorı T.Rasulovlar basshılıǵındaǵı delegaciya miymanda boldı.
Miymanlardı universitettiń ilimiy isler hám innovaciyalar boyınsha prorektorı I.Turdımambetov, Jaslar máseleleri hám ruwxıy-aǵartıwshılıq isleri boyınsha birinshi prorektorı S.Alawatdinovlar kútip aldı. Miymanlarǵa dáslep universitette tálim, ilim hám ruwxıylıq baǵdarında keyingi jıllarda alıp barılıp atırǵan jumıslar, erisilgen jetiskenlikler hám de qolǵa kirgizilgen nátiyjeler haqqında keń túrde maǵlıwmatlar berip ótildi.
Bunnan soń, Buxara mámleketlik universiteti delegaciyası menen Qaraqalpaq mámleketlik universiteti ortasında tálim hám ilimniń hár túrli baǵdarları boyınsha óz-ara birge islesiw, ásirese, ekonomika, biologiya, ekologiya hám topıraqtanıw, filologiya, jurnalistika, shet tilleri, kórkem óner hám basqa da tarawlarda óz-ara birgelikte aldaǵı waqıtta alıp barılatuǵın jumıslar boyınsha tájiriybe almasıwlar, pikir alısıwlar ótkerildi.
Sonıń menen birge, kelgan miymanlar Qaraqalpaq mámleketlik universitetinde házirgi waqıtta jaratılǵan shárt-shárayatlar, oqıw hám de ilimiy izertlew laboratoriyalarında tálim hám ilimiy iskerlik penen shuǵıllanıw, ruwxıylıq-aǵartıwshılıq, jaslar menen islesiw boyınsha da ámelge asırılıp atırılǵan keń túrdegi ilajlar menen tanıstırıldı.
Bul ilaj erteń de óz isin dawam ettiriledi
