Xabarıńız bar, Buxara mámleketlik universiteti rektorı basshılıǵında bir qansha professor-oqıtıwshılar hám studentler universitette bolıp turıptı. Miymanlar universitette studentler ushın jaratılǵan sharayatlar menen tanıstı. BuxMU Shet tilleri fakulteti oqıw isleri boyınsha dekanı orınbasarı docent A.Juraev, Nemis filologiyası kafedrası docenti E.Juraev, fakultetler aralıq shet tilleri kafedrası doktorantı M.Tuxtaeva hám de usı fakultet student-jasları QMU Shet tilleri fakultetinde alıp barılıp atırǵan tálim-tırbiya jumısları menen jaqınnan tanıstı. Fakultet dekanı Dj.Kurbanbaev miymanlarǵa studentlerdiń teoriyalıq hám ámeliy sabaqlarǵa qatnasıwı, óz ústinde islewi, ilimiy jumıs alıp barıwı, keleshekte ózleri tańlaǵan kásiptiń mamanı bolıp jetilisiwi ushın jaratılǵan múmkinshilikler haqqında maǵlıwmat berdi. Bunnan soń, miymanlar fakultet kafedraları jumısları menen tanıstı, óz-ara tájiriybe almastı. Studentler menen ushırasıw waqtında olardıń qızıqtırǵan sorawlarına miymanlar juwap berdiler. Óz gezeginde kelgen miymanlar eki joqarı oqıw ornı arasında dúzilgen shártnama tiykarında studentlerdi Buxarada student almasıw programması arqalı oqıwların dawam ettiriw imkaniyatı bar ekenligi haqqında túsinik berdi.
F.Atashova, QMU Shet tiller fakulteti úlken oqıtıwshısı
