Qurılıs fakulteti «Injenerlik kommunikaciyalar qurılısı» kafedrasında professor-oqıtıwshılar hám magistrantlar qatnasında «Ilimiy seminar» ótkerildi. Seminardı fakultet dekanı T.Uzakov ashıp berdi hám alıp bardı.

Dáslep kafedra assistent oqıtıwshısı Allayar Seytimbetov 1 hám 2 kvartallardaǵı ilimiy iskerligi boyınsha bayanat jasadı hám fakultetimizde qaraqalpaq tilinde oqıwlıqlar, qollanbalar sanı kóbeyip atırǵanlıǵın, bul oqıtıwshılar ushın ǵana emes student-jaslar ushında bilim alıwına qosımsha imkaniyatlardıń artıwına sebep ekenligin aytıp ótti.

Bunnan soń Allayar Madiyarov «Amudaryoning quyi oqimidagi irrigaciya kanallaridagi suv otkazish qobiliyatini aniqlash usullarini ilmiy asoslash» temasında óz dokladı menen qatnastı hám izertlewler, analizler islegenliklerin tayarlaǵan prezentaciya jumıslarında bayan etti.

«Imaratlar hám soorujenieler qurılıs» kafedrası assistent oqıtıwshısı Murat Kamalov «Razrabotka sostava modificirovannogo shlakoshelochnogo betona, putem effektivnogo ispol’zovaniya otxodov metallurgicheskix kvarcevıx shlakov na osnove betonnıx zapolniteley» atamasında atamasındaǵı ilimiy jumısına bayanat jasap, izertlew jumısında paydalanǵan is qurallar, qurılıs materiallardı kórsetip qatnasıwshılarģa tolıq túsindirmeler berdi.

Seminar soraw-juwaplar, pikir-usınıslar menen dawam etti.