Studentlerdiń teoriyalıq bilimlerin ámeliyat penen baylanıstırıw maqsetinde Shet tilleri fakulteti gid joldaslıǵı hám awdarma xızmeti qánigeligi studentleri Xojeli rayonı  aymaǵında jaylasqan «Mizdaqxan» tariyxiy kompleksine ámeliyat ótew ushın jiberildi. Bul ámeliyat Qaraqalpaqstan Respublikası Turizm basqarması hám Berdaq atındaǵı Qaraqalpaq mámleketlik universiteti menen birgelikte shólkemlestirildi. Ámelyat barısında student-jaslar tariyxiy komplekstiń átirapında abadanlastırıw jumısları menen birge, tariyxiy orınlar haqqında maǵlıwmatlarǵa iye boldı. Bunnan soń, student-jaslar Mizdaqxan hám Mazlumxan Sulıw tariyxıy kompleksine sayaxat shólkemlestirdi. Sayaxat dawamında student-jaslarımız Mizdaqxan eramızdıń VI – VII ásirler, Gáwir qala X ásir, Xalifa Rejeb IX ásirdiń ekinshi yarımı, Shamun Nabiy XIX ásir, Mazlumxan Sulıw XIII ásirge tiyisli tariyxıy arxeologiyalıq estelikler haqqında maǵlıwmatlar aldı.      

Ámeliyat  dawamında student-jalarǵa Shet tiller fakulteti dekanı p.i.k., docent Dj.Kurbanbaev awdarma teoriyasi hám ámeliyati kafedrası oqıtıwshıları f.i.k.,professor J.Seytjanov, f.i.k.,docent R.Mambetova, PhD docent R.Jumamuratova, kafedra assistent oqıtıwshıları S.Kaipova hám S.Baymuratovalar basshılıq etti. Qaraqalpaqstan Respublikası Turizm basqarmasınan qánige J.Artikov  student jaslarımızǵa joqarı oqıw orınlarında shólkemlestiriletuǵın usınday ilajlar turizm tarawınıń rawajlanıwına, jetik qánigelerdiń jetilisip shıǵıwına úles qosatuǵınlıǵın aytıp ótti.

Jumamuratova Ramiza
Mambetova Roza